ట్రాఫిక్ పోలీసుల విజ్ఞప్తి.. పార్కింగ్ సూచనలు జారీ

ట్రాఫిక్ పోలీసుల విజ్ఞప్తి.. పార్కింగ్ సూచనలు జారీ

ఖమ్మం, అక్టోబర్ 11 ( పీపుల్స్ వాయిస్ ) : తిరుమల తిరుపతి దేవస్థానం (టీటీడీ) ఆధ్వర్యంలో అక్టోబర్ 12న అల్లిపురం వద్ద శ్రీ వేంకటేశ్వర స్వామి దేవస్థానానికి భూమిపూజ, శంకుస్థాపన కార్యక్రమం నిర్వహించనున్నారు. ఉదయం 9 గంటల నుంచి సాయంత్రం 5 గంటల వరకు జరిగే ఈ కార్యక్రమానికి హాజరయ్యే భక్తుల సౌకర్యార్థం ట్రాఫిక్ పోలీసులు ప్రత్యేక పార్కింగ్ ఏర్పాట్లు చేశారు.

పార్కింగ్ ఏర్పాట్లు

- పార్కింగ్ 1: ఖమ్మం పట్టణం వైపు నుంచి వచ్చే భక్తులు రోడ్డుకు ఎడమవైపున ఏర్పాటు చేసిన పార్కింగ్ స్థలంలో వాహనాలను నిలపాలి.
- పార్కింగ్ 3: కొదుమూరు, అల్లిపురం వైపు నుంచి వచ్చే వాహనాలకు కేటాయించిన పార్కింగ్ స్థలాన్ని వినియోగించుకోవాలి.
- వీఐపీ పార్కింగ్: వీఐపీ వాహనాల కోసం ప్రత్యేక పార్కింగ్ స్థలాన్ని ఏర్పాటు చేశారు.
- పార్కింగ్ 4: రామకృష్ణాపురం వైపు నుంచి వచ్చే భక్తులు కేటాయించిన పార్కింగ్ స్థలంలో వాహనాలను నిలపాలి.

భక్తులకు ముఖ్య సూచనలు

భక్తులందరూ ట్రాఫిక్ పోలీసుల సూచనలను పాటిస్తూ, తమ వాహనాలను కేటాయించిన పార్కింగ్ స్థలాల్లోనే నిలపాలని పోలీసులు కోరుతున్నారు. ప్రధాన రహదారులపై వాహనాలను పార్కింగ్ చేయరాదని స్పష్టం చేశారు. రోడ్లపై వాహనాలను నిలపడం వల్ల ఇతర వాహనదారులకు, భక్తులకు ట్రాఫిక్ ఇబ్బందులు కలగకుండా సహకరించాలని విజ్ఞప్తి చేశారు.

కార్యక్రమం సజావుగా నిర్వహించేందుకు భక్తులందరూ ట్రాఫిక్ నిబంధనలు పాటిస్తూ పోలీసులకు సహకరించాలని కోరారు.