ఖమ్మంలో బీసీ రాజ్యాధికార పాదయాత్రపై పార్టీ సమావేశం

ఖమ్మం టౌన్, అక్టోబర్ 26 (పీపుల్స్ వాయిస్):

తెలంగాణ రాజ్యాధికార పార్టీ వ్యవస్థాపక రాష్ట్ర అధ్యక్షుడు తీన్మార్ మల్లన్న ఆదేశాల మేరకు సోమవారం ఖమ్మం జిల్లా కమిటీ అత్యవసర సమావేశం నిర్వహించింది. వచ్చే నెలలో ఖమ్మం జిల్లాలో నిర్వహించనున్న బీసీ రాజ్యాధికార పాదయాత్రకు సంబంధించి చేపట్టాల్సిన కార్యాచరణపై సమావేశంలో చర్చించారు.

ఉమ్మడి ఖమ్మం జిల్లా పార్టీ ఇన్‌చార్జి గట్ల రాజన్న, సోషల్ మీడియా కన్వీనర్ ముక్కంటి సాయి చరణ్, జిల్లా అధ్యక్షుడు దామళ్ల సత్యనారాయణ, జిల్లా ఉపాధ్యక్షుడు పెరుమాళ్లపల్లి నాగార్జున, జిల్లా కమిటీ సభ్యులు పాల్గొన్నారు. పాదయాత్ర నిర్వహణ, ప్రజల భాగస్వామ్యం, పార్టీ శ్రేణుల సమన్వయంపై చర్చించారు.

బీసీల రాజకీయ, సామాజిక హక్కులు, రాజ్యాధికారంలో వారి భాగస్వామ్యంపై ప్రజల్లో అవగాహన కల్పించడమే పాదయాత్ర లక్ష్యమని పార్టీ వర్గాలు తెలిపాయి.

ఈ సమావేశంలో జిల్లా యువజన విభాగం ప్రధాన కార్యదర్శి తిరుమలగిరి జితేందర్, ఖమ్మం టౌన్ అధ్యక్షుడు కొప్పుల రామారావు, జిల్లా ప్రధాన కార్యదర్శి పోలోజు వినయ్ కుమార్, జిల్లా యువజన అధ్యక్షుడు తెళ్ళపుట్ట జగపతి, పెద్దప్రోలు కోటేశ్వరరావు, చట్టూ గోపి, పెనుగొండ ఉప్పలయ్య, రాయల సుధీర్, అదురి అజయ్ తదితరులు పాల్గొన్నారు.