• విధి నిర్వహణలో మరణించిన ఎస్సై కుటుంబానికి రూ.లక్ష ఆర్థిక సాయం.
• చెక్కును అందజేసిన ఖమ్మం పోలీస్ కమిషనర్ సునీల్ దత్.

విధి నిర్వహణలో మరణించిన ఎస్సై కుటుంబానికి రూ.లక్ష సాయం
ఖమ్మం పోలీస్ కమిషనర్ సునీల్ దత్ చెక్కు అందజేత
ఖమ్మం, అక్టోబర్ 27 (పీపుల్స్ వాయిస్): విధి నిర్వహణలో భాగంగా ఖమ్మం త్రీ టౌన్ పోలీస్ స్టేషన్‌లో బాధ్యతలు నిర్వర్తిస్తూ ఈ ఏడాది ఆగస్టు 23న మరణించిన ఎస్సై డి. అనంతరాములు కుటుంబానికి పోలీస్ శాఖ ఆర్థిక సాయం అందించింది. పోలీసు సిబ్బంది సంక్షేమ నిధి నుంచి మంజూరైన రూ.లక్ష చెక్కును పోలీస్ కమిషనర్ సునీల్ దత్ కుటుంబ సభ్యులకు అందజేశారు.
ఈ సందర్భంగా పోలీస్ కమిషనర్ మాట్లాడుతూ, విధి నిర్వహణలో ప్రాణాలు కోల్పోయిన పోలీసు సిబ్బంది కుటుంబాలకు అండగా నిలవడం పోలీస్ శాఖ బాధ్యత అని తెలిపారు. వారి సంక్షేమానికి ప్రాధాన్యమిస్తూ అవసరమైన సహాయ సహకారాలు అందించేందుకు శాఖ కృషి చేస్తుందని పేర్కొన్నారు. పోలీస్ శాఖ ఎల్లప్పుడూ బాధిత కుటుంబాలకు అండగా ఉంటుందని భరోసా ఇచ్చారు.
ఈ కార్యక్రమంలో ఏవో కళావతి, పోలీస్ అసోసియేషన్ అధ్యక్షుడు హేమనాధ్ పాల్గొన్నారు.