• అధ్యక్షురాలిగా జొన్నలగడ్డ మల్లేశ్వరి ఎన్నిక
• కార్యదర్శిగా గుడిది పిచ్చయ్య బాధ్యతలు
• వివిధ శాఖల అధికారులతో నూతన కమిటీ భేటీ

అధికారులతో చింతకాని నూతన ప్రెస్ క్లబ్ మర్యాదపూర్వక భేటీ

చింతకాని, అక్టోబర్ 31 (పీపుల్స్ వాయిస్):

ప్రజా సమస్యల పరిష్కారం, మండల అభివృద్ధే లక్ష్యంగా చింతకాని నూతన ప్రెస్ క్లబ్ కమిటీ ముందుకు సాగుతోంది. ఇందులో భాగంగా నూతన అధ్యక్షురాలు జొన్నలగడ్డ మల్లేశ్వరి, కార్యదర్శి గుడిది పిచ్చయ్య ఆధ్వర్యంలో కమిటీ సభ్యులు శుక్రవారం మండలంలోని వివిధ శాఖల అధికారులను మర్యాదపూర్వకంగా కలిసి తమను పరిచయం చేసుకున్నారు.

ఈ సందర్భంగా ప్రజా సమస్యలను వెలుగులోకి తీసుకురావడం, ప్రభుత్వ సంక్షేమ పథకాలను ప్రజలకు చేరవేయడం, ప్రజలకు–అధికారులకు మధ్య వారధిగా పనిచేయడమే తమ ప్రధాన లక్ష్యమని కమిటీ సభ్యులు తెలిపారు. మండల అభివృద్ధికి, ప్రజా సమస్యల పరిష్కారానికి నిర్మాణాత్మకంగా కృషి చేస్తామని పేర్కొన్నారు.

ఈ కార్యక్రమంలో కమిటీ సభ్యులు గడ్డం విజయ్, గండారపు రామారావు, గంటల తిరుపతాచారి, శెట్టి సురేష్, చాపలమడుగు మంగతాయి, వేర్పుల కోటేశ్వరరావు తదితరులు పాల్గొన్నారు.