నవంబర్ 5న ఖమ్మంలో IUML ఉమ్మడి జిల్లా ప్రతినిధుల సమావేశం

ఈ నెల 5న IUML ఉమ్మడి ఖమ్మం జిల్లా ప్రతినిధుల సమావేశం

ఖమ్మం, నవంబర్ 1 (పీపుల్స్ వాయిస్): 

ఇండియన్ యూనియన్ ముస్లిం లీగ్ (IUML) పార్టీ ఉమ్మడి ఖమ్మం జిల్లా ప్రతినిధుల సమావేశాన్ని ఈ నెల 5వ తేదీన ఖమ్మం పట్టణంలోని రెస్ట్ ఇన్ హోటల్ ఫంక్షన్ హాల్‌లో నిర్వహించనున్నట్లు ఆ పార్టీ జిల్లా అధ్యక్షుడు షేక్ బాజీ బాబా తెలిపారు.

ఈ సమావేశానికి పార్టీ రాష్ట్ర నాయకత్వం ఖమ్మం పట్టణానికి హాజరుకానుందని వెల్లడించారు. నవంబర్ చివరి వారంలో ఖమ్మం నగరంలో భారీ బహిరంగ సభ నిర్వహించేందుకు పార్టీ ప్రణాళికలు సిద్ధం చేస్తున్న నేపథ్యంలో, ముందస్తుగా ఈ ప్రతినిధుల సమావేశాన్ని ఏర్పాటు చేసినట్లు పేర్కొన్నారు. ఈ సమావేశంలో పార్టీ భవిష్యత్ కార్యాచరణపై చర్చించనున్నట్లు తెలిపారు.

నవంబర్ చివరి వారంలో నిర్వహించనున్న భారీ బహిరంగ సభకు తమిళనాడు, కేరళ రాష్ట్రాలకు చెందిన ఎంపీలు, మంత్రులు హాజరుకానున్నట్లు వెల్లడించారు.

త్వరలో జరగనున్న గ్రాడ్యుయేట్ ఎమ్మెల్సీ ఎన్నికలు, కార్పొరేషన్ ఎన్నికల్లో పార్టీ అనుసరించాల్సిన వ్యూహాలు, పార్టీ బలోపేతం తదితర అంశాలపై సమావేశంలో చర్చించనున్నట్లు సమాచారం.

ముఖ్యంగా ఉమ్మడి ఖమ్మం జిల్లాలో నెలకొన్న ప్రజా సమస్యలపై ప్రధానంగా చర్చించి, వాటి పరిష్కారం కోసం ఇండియన్ యూనియన్ ముస్లిం లీగ్ పార్టీ తరఫున చేపట్టాల్సిన పోరాట కార్యాచరణను రూపొందించనున్నట్లు షేక్ బాజీ బాబా తెలిపారు.

ఇది కూడా చదవండి :: చిన్నమండవలో పౌర హక్కులపై అవగాహన సదస్సు