చిన్నమండవలో భూ రీసర్వే.. రైతులు తప్పనిసరిగా పాల్గొనాలి _తహసీల్దార్ కరుణశ్రీ

చిన్నమండవలో భూ రీసర్వే.. రైతులు తప్పనిసరిగా పాల్గొనాలి _తహసీల్దార్ కరుణశ్రీ

చింతకాని, అక్టోబర్ 26 (పీపుల్స్ వాయిస్):

చింతకాని మండలం చిన్నమండవ గ్రామంలో చేపట్టిన భూ రీసర్వే ప్రక్రియపై రైతులకు అవగాహన కల్పించేందుకు తహసీల్దార్ కరుణశ్రీ, గ్రామ సర్పంచ్ పర్చ రామచంద్రరావుతో కలిసి అవగాహన సదస్సు నిర్వహించారు. రీసర్వే విధానం, భూముల సరిహద్దుల పరిశీలన, సర్వే సమయంలో రైతుల భాగస్వామ్యంపై వివరించారు. రైతులు సర్వేలో తప్పనిసరిగా పాల్గొని, ప్రక్రియ సజావుగా పూర్తయ్యేందుకు రెవెన్యూ సిబ్బందికి సహకరించాలని తహసీల్దార్ కోరారు.

ఈ సందర్భంగా కరుణశ్రీ మాట్లాడుతూ, సర్వేకు ముందు భూముల సరిహద్దులను పరిశీలించి, రీసర్వే వివరాలను రైతులకు ముందుగానే తెలియజేస్తామని తెలిపారు. సర్వే సమయంలో రైతులు హాజరై తమ భూముల వివరాలను పరిశీలించుకోవాలని సూచించారు. ప్రక్రియలో ఎలాంటి తప్పులు దొర్లకుండా రైతులు, గ్రామస్థులు సహకరించాలని కోరారు. రీసర్వే పూర్తయిన అనంతరం అర్హులైన రైతులకు కొత్త పట్టాదారు పాస్‌బుక్కులు మంజూరు చేస్తామని తెలిపారు.

అనంతరం చిన్నమండవ, పోలంపల్లి గ్రామాల మధ్య భూముల సరిహద్దులను పరిశీలించారు.

ఈ కార్యక్రమంలో గ్రామ సర్పంచ్ పర్చ రామచంద్రరావు, పంచాయతీ కార్యదర్శి రామకృష్ణ, రెవెన్యూ అధికారి షేక్ లాల్ జాన్ పాషా, రెవెన్యూ సర్వేయర్ నవీన్‌తో పాటు రైతులు మరిదు లక్ష్మీనారాయణ, మోర్ల కృష్ణ, మరిదు రామకృష్ణ, కాశీమాల వేణు, పర్చగాని బ్రహ్మం, గుండ్ల చంటి, గుండ్ల నాగరాజు, గుండ్ల మహేష్ తదితరులు పాల్గొన్నారు.

ఇది కూడా చదవండి :: తిమ్మినేనిపాలెంలో ట్రాక్టర్‌ ట్రైలర్‌ బోల్తా.. ఆరుగురికి తీవ్ర గాయాలు